Jeremias 23:28-30

Magandang Balita Biblia

²⁸ Kung nanaginip ang isang propeta, dapat niyang sabihing ito'y panaginip lamang; ngunit kung narinig niya ang aking salita, ipahayag niya ito nang buong katapatan. Ano ang kaugnayan ng ipa sa trigo?” sabi ni Yahweh. ²⁹ “Parang apoy ang aking salita at katulad ng martilyo na dumudurog sa malaking bato. ³⁰ Ako'y laban sa mga propetang gumagamit ng salita ng ibang propeta at sinasabing iyon ang aking mensahe.