Jeremias 29:21-23

Ang Biblia (1978)

Ang mga bulaang propeta ay tinutulan ni Jeremias.

²¹ Ganito ang sabi ng Panginoon ng mga hukbo, ng Dios ng Israel, tungkol kay Achab na anak ni Colias, at tungkol kay Sedechias na anak ni Maasias na nanghuhula ng kasinungalingan ^(A)sa inyo sa aking pangalan, Narito, aking ibibigay sila sa kamay ni Nabucodonosor na hari sa Babilonia; at papatayin niya sila sa harap ng inyong mga mata;

²² At sa kanila kukuha ng ^(B)kasumpaan sa lahat ng bihag ^(C)sa Juda na nangasa Babilonia, na magsasabi, Gawin ka ng Panginoon na gaya ni Sedechias at gaya ni Achab, na ^(D)iniihaw sa apoy ng hari sa Babilonia.

²³ Sapagka't sila'y gumawang may kamangmangan sa Israel, at nangalunya sa mga asawa ng kanilang mga kapuwa, at nangagsalita ng mga salita sa aking pangalan na may kasinungalingan, na hindi ko iniutos sa kanila; at ako ang siyang nakakakilala, at ^(E)ako'y saksi, sabi ng Panginoon.