Jeremias 30:19-21

Magandang Balita Biblia

¹⁹ Ang mga tao roon ay aawit ng pasasalamat
    at magkakaingay sa kagalakan.
Sila'y aking pararamihin;
    pararangalan ko sila at wala nang hahamak sa kanila.
²⁰ Ibabalik ko ang kanilang dating kapangyarihan,
    at sila'y magiging matatag sa aking harapan.
    Paparusahan ko ang lahat ng mang-aapi sa kanila.
²¹ Lilitaw ang isang pinuno na mula rin sa kanila.
Aanyayahan ko siya kaya siya nama'y lalapit sa akin,
    sapagkat walang mangangahas na lumapit sa akin kung hindi inanyayahan.