Jeremias 31:38-40

Magandang Balita Biblia (with Deuterocanon)

³⁸ “Darating ang panahon na muling itatatag ang lunsod ng Jerusalem para sa karangalan ni Yahweh, mula sa Tore ng Hananel hanggang sa Panulukang Pinto. ³⁹ Ang hangganan nito'y lalampas sa burol ng Gareb saka liliko sa Goa. ⁴⁰ Ang buong libis na pinagtatapunan ng mga bangkay at abo, gayon din ang lahat ng bukirin sa itaas ng batis ng Kidron hanggang sa Pintuang Labasan ng mga Kabayo sa gawing silangan, ay itatalaga sa akin. Hindi na mawawasak o masasakop ninuman ang lunsod na ito.”