Jeremias 33:20-22

Magandang Balita Biblia (with Deuterocanon)

²⁰ “Kung paanong hindi mababago ang batas na itinakda ko para sa araw at sa gabi, ²¹ gayon din naman, hindi masisira ang aking pangako sa lingkod kong si David at sa mga Levita. Hindi mawawalan ng uupo sa trono mula sa kanyang lipi; hindi rin mauubos ang mga pari sa lahi ni Levi. ²² Gaya ng hindi mabilang na bituin sa kalangitan at buhangin sa dagat, gayon ko pararamihin ang mga inapo ng aking lingkod na si David at ng mga Levitang naglilingkod sa akin.”