Jeremias 34:13-15

Ang Biblia (1978)

¹³ Ganito ang sabi ng Panginoon, ng Dios ng Israel, Ako'y nakipagtipan sa inyong mga magulang sa araw na aking inilabas ^(A)sila mula sa lupain ng Egipto, mula sa bahay ng pagkaalipin, na aking sinasabi,

¹⁴ Sa katapusan ng pitong taon ^(B)ay payayaunin ng bawa't isa sa inyo ang kaniyang kapatid na Hebreo, na naipagbili sa iyo, at naglingkod sa iyo na anim na taon, at iyong palalayain sa iyo: nguni't ang iyong mga magulang ay hindi nakinig sa akin, o ikiniling man ang kanilang pakinig.

¹⁵ At ngayo'y nanumbalik kayo, at nagsigawa ng matuwid sa aking mga mata sa pagtatanyag ng kalayaan ng bawa't tao sa kaniyang kapuwa; at kayo'y ^(C)nakipagtipan sa harap ko sa bahay na tinawag sa aking pangalan: