Jeremias 34:18-20

Ang Biblia (1978)

¹⁸ At aking ibibigay ang mga tao na nagsisalangsang ng aking tipan, na hindi nagsitupad ng mga salita ng tipan na kanilang ginawa sa harap ko, ^(A)nang kanilang hatiin ang guya at mangagdaan sa pagitan ng mga bahagi niyaon;

¹⁹ Ang mga prinsipe sa Juda, at ang mga prinsipe sa Jerusalem, ang mga ^(B)bating, at ang mga saserdote, at ang buong bayan ng lupain, na nagsidaan sa pagitan ng mga bahagi ng guya;

²⁰ Akin ngang ibibigay sila sa kamay ng kanilang mga kaaway, at sa kamay ng nagsisiusig ng kanilang buhay, at ^(C)ang kanilang mga bangkay ay magiging pinakapagkain sa mga ibon sa himpapawid, at sa mga hayop sa lupa.