Jeremias 4:18-20

Ang Biblia, 2001

¹⁸ Ang iyong mga lakad at ang iyong mga gawa
    ang nagdala ng mga bagay na ito sa iyo.
Ito ang iyong pagkasalanta, anong pait!
    Ito'y tumatagos sa iyong puso.”

¹⁹ Ang paghihirap ko, ang paghihirap ko! Ako'y namimilipit sa sakit!
    O ang pagdaramdam ng aking puso!
Ang aking puso ay kakaba-kaba,
    hindi ako matahimik;
sapagkat narinig mo, o kaluluwa ko, ang tunog ng trumpeta,
    ang hudyat ng digmaan.
²⁰ Sunud-sunod ang mga pagkapinsala,
    ang buong lupain ay nasisira.
Ang aking mga tolda ay biglang nawasak,
    at ang aking mga tabing sa isang iglap.