Jeremias 4:19-21

Ang Biblia, 2001

¹⁹ Ang paghihirap ko, ang paghihirap ko! Ako'y namimilipit sa sakit!
    O ang pagdaramdam ng aking puso!
Ang aking puso ay kakaba-kaba,
    hindi ako matahimik;
sapagkat narinig mo, o kaluluwa ko, ang tunog ng trumpeta,
    ang hudyat ng digmaan.
²⁰ Sunud-sunod ang mga pagkapinsala,
    ang buong lupain ay nasisira.
Ang aking mga tolda ay biglang nawasak,
    at ang aking mga tabing sa isang iglap.
²¹ Hanggang kailan ang watawat ay aking makikita
    at maririnig ang tunog ng trumpeta?