Jeremias 46:10-12

Ang Biblia (1978)

¹⁰ Sapagka't ang ^(A)araw na yaon ay sa Panginoon, sa Panginoon ng mga hukbo, araw ng panghihiganti, upang maipanghiganti niya siya sa kaniyang mga kaaway: at ang tabak ay lalamon at mabubusog, at magpapakalango sa dugo nila: sapagka't ang Panginoon, ang Panginoon ng mga hukbo, ^(B)may hain ^(C)sa lupaing hilagaan sa tabi ng ilog Eufrates.

¹¹ Sumampa ka sa Galaad, ^(D)at kumuha ka ng balsamo, Oh anak na ^(E)dalaga ng Egipto: sa walang kabuluhan gumagamit ka ng maraming gamot; hindi ka na gagaling.

¹² Nabalitaan ng mga bansa ang iyong kahihiyan, at ang lupa ay puno ng iyong hiyaw, sapagka't ang makapangyarihan ay natisod laban sa makapangyarihan, sila'y nangabuwal kapuwa na magkasama.