Jeremias 46:15-17

Ang Biblia, 2001

¹⁵ Bakit napayuko ang iyong malalakas?
    Hindi sila tumatayo
    sapagkat sila'y ibinagsak ng Panginoon.
¹⁶ Tinisod niya ang marami, oo, at sila'y nabuwal sa isa't isa.
    At sinabi nila sa isa't isa,
‘Bangon, at bumalik tayo sa ating sariling bayan,
    at sa ating lupang sinilangan,
    malayo sa tabak ng manlulupig.’
¹⁷ Sila'y sumigaw roon. ‘Si Faraon, hari ng Ehipto ay isang ingay lamang.
    Hinayaan niyang lumipas ang takdang oras!’