Jeremias 47:2-4

Ang Biblia, 2001

² “Ganito ang sabi ng Panginoon:
Narito, ang mga tubig ay umaahon mula sa hilaga,
    at magiging nag-uumapaw na baha;
ang mga ito ay aapaw sa lupain at sa lahat ng naroon,
    ang lunsod at ang mga naninirahan doon.
Ang mga tao ay sisigaw,
    at bawat mamamayan sa lupain ay tatangis.
³ Sa ingay ng lagapak ng mga kuko ng kanyang mga kabayo,
    sa hagibis ng kanyang mga karwahe, sa ingay ng kanilang mga gulong,
hindi nililingon ng mga magulang ang kanilang mga anak,
    dahil sa kahinaan ng kanilang mga kamay,
⁴ dahil sa araw na dumarating
    upang lipulin ang lahat ng Filisteo,
upang ihiwalay sa Tiro at Sidon
    ang bawat kakampi na nananatili.
Sapagkat nililipol ng Panginoon ang mga Filisteo,
    ang nalabi sa pulo ng Crete.