Jeremias 48:27-29

Ang Salita ng Dios (Tagalog Contemporary Bible)

²⁷ Kayong mga taga-Moab, hindi baʼt kinutya ninyo ang Israel? Bakit, nahuli ba siyang nagnakaw? Bakit iiling-iling pa kayo sa pagkutya nʼyo sa kanya? ²⁸ Umalis na kayo sa bayan nʼyo at tumira sa mababatong lugar, na parang mga kalapating nagpupugad sa mga bitak ng matatarik at mababatong lugar. ²⁹ Napakayabang ninyo. Narinig ko kung gaano kayo kayabang at kapalalo.