Jeremias 48:35-37

Ang Salita ng Dios (Tagalog Contemporary Bible)

³⁵ Patitigilin ko sa Moab ang mga naghahandog sa mga sambahan sa matataas na lugar^[a] at nagsusunog ng insenso sa mga dios-diosan nila. Ako, ang Panginoon, ang nagsasabi nito.

³⁶ “Kaya umiiyak ang aking puso para sa Moab at sa mga taga-Kir Hareset, gaya ng malungkot na tugtog ng plauta sa patay. Wala na ang mga kayamanang nakamit nila. ³⁷ Ang bawat isaʼy nagpahayag ng kalungkutan nila sa pamamagitan ng pagpapakalbo, pag-aahit, pagsugat sa mga kamay nila at pagsusuot ng damit na pangluksa.