Jeremias 48:8-10

Ang Salita ng Dios (Tagalog Contemporary Bible)

⁸ “Darating ang manlilipol sa bawat bayan at walang bayan na makakaligtas. Mawawasak ang mga bayan sa lambak at talampas. Mangyayari ito dahil sinabi mismo ng Panginoon. ⁹ May pakpak sana ang Moab para makalipad siya papalayo,^[a] dahil wala nang kabuluhan ang mga bayan nito at wala nang maninirahan dito. ¹⁰ Sumpain ang taong pabaya sa paggawa ng gawain ng Panginoon laban sa Moab. Sumpain ang taong hindi papatay sa mga taga-Moab.