Jeremias 49:2-4

Ang Biblia, 2001

² Kaya't, narito, ang mga araw ay dumarating,
    sabi ng Panginoon,
na aking iparirinig ang sigaw ng digmaan
    laban sa Rabba ng mga anak ni Ammon.
Ito'y magiging isang bunton ng guho,
    at ang kanyang kabayanan^[a] ay susunugin ng apoy.
Kung magkagayo'y aagawan ng Israel ang mga nang-agaw sa kanya,
    sabi ng Panginoon.
³ “Tumangis ka, O Hesbon, sapagkat nawasak ang Ai!
    Umiyak kayo, mga anak na babae ng Rabba!
Kayo'y magbigkis ng damit-sako,
    kayo'y tumaghoy at tumakbong paroo't parito sa gitna ng mga tinikan!
Sapagkat si Malcam ay patungo sa pagkabihag,
    kasama ang kanyang mga pari at mga pinuno.
⁴ Bakit mo ipinagmamalaki ang iyong mga libis, ang iyong libis ay inaanod,
ikaw na taksil na anak na babae
    na nagtitiwala sa kanyang mga kayamanan, na sinasabi,
    ‘Sinong darating laban sa akin?’