Jeremias 49:23-25

Ang Salita ng Dios (Tagalog Contemporary Bible)

Ang Mensahe tungkol sa Damascus

²³ Ito ang mensahe tungkol sa Damascus: “Natakot ang mga taga-Hamat at taga-Arpad sa masasamang balita na narinig nila. Naguguluhan at nanlulupaypay sila, at hindi mapalagay katulad ng maalong dagat. ²⁴ Nanghihina ang mga taga-Damascus at tumakas sila dahil sa takot. Takot at sakit ng damdamin ang nararamdaman nila na para bang babaeng malapit nang manganak. ²⁵ Ang tanyag at masayang^[a] lungsod ng Damascus ay itinakwil.