Jeremias 49:36-38

Ang Biblia (1978)

³⁶ At sa Elam ay dadalhin ko ang apat na hangin na mula sa apat na sulok ng langit, at aking pangangalatin sila sa lahat ng hanging yaon; at walang bansang hindi kararatingan ng mga tapon na mula sa Elam.

³⁷ At aking panglulupaypayin ang Elam sa harap ng kanilang mga kaaway, at sa harap ng nagsisiusig ng kanilang buhay; at ako'y magdadala ng kasamaan sa kanila, sa makatuwid baga'y ang aking mabangis na galit, sabi ng Panginoon; ^(A)at aking ipahahabol sila sa tabak, hanggang sa malipol ko sila.

³⁸ At aking ilalagay ang aking luklukan sa Elam, ^(B)at aking lilipulin mula roon ang hari at mga prinsipe, sabi ng Panginoon.