Jeremias 5:3-5

Magandang Balita Biblia (with Deuterocanon)

³ Ang hanap ni Yahweh ay katotohanan.
Pinarusahan niya kayo, ngunit hindi ninyo pinansin ang sakit;
    pinahirapan niya kayo ngunit hindi pa rin kayo nagbago.
Ayaw ninyong talikuran ang inyong mga kasalanan; dahil sa katigasan ng inyong ulo.
⁴ At aking naisip, “Ang mga taong ito'y mga mahihirap at walang alam;
hindi nila alam ang hinihiling ni Yahweh,
    ang utos ng kanilang Diyos.
⁵ Pupuntahan ko ang mga maykapangyarihan,
    at sila ay aking papakiusapan.
Natitiyak kong alam nila ang kalooban ni Yahweh;
    batid nila ang ipinag-uutos ng Diyos.
Ngunit pati silang lahat ay naging suwail
    at tumangging sumunod sa kanyang mga utos.”