Jeremias 5:4-6

Magandang Balita Biblia (with Deuterocanon)

⁴ At aking naisip, “Ang mga taong ito'y mga mahihirap at walang alam;
hindi nila alam ang hinihiling ni Yahweh,
    ang utos ng kanilang Diyos.
⁵ Pupuntahan ko ang mga maykapangyarihan,
    at sila ay aking papakiusapan.
Natitiyak kong alam nila ang kalooban ni Yahweh;
    batid nila ang ipinag-uutos ng Diyos.
Ngunit pati silang lahat ay naging suwail
    at tumangging sumunod sa kanyang mga utos.”
⁶ Dahil dito, sila'y papatayin ng mga leon mula sa gubat.
    Sisilain sila ng mga asong-gubat mula sa ilang.
    Maglilibot sa kanilang mga lunsod ang mga leopardo upang lurayin ang sinumang makita.
Sapagkat napakarami na ng kanilang pagkakasala
    at maraming ulit na nilang tinalikuran ang Diyos.