Jeremias 5:6-8

Ang Biblia (1978)

⁶ Kaya't papatayin sila ng ^(A)leon na mula sa gubat, ^(B)sisirain sila ng lobo sa mga ilang, babantayan ang kanilang mga bayan ng ^(C)leopardo; lahat na nagsilabas doon ay mangalalapa; sapagka't ang kanilang mga pagsalangsang ay marami, at ang kanilang mga pagtalikod ay lumago.

⁷ Paanong mapatatawad kita? pinabayaan ako ng iyong mga anak, at nagsisumpa sa pamamagitan ^(D)niyaong mga hindi dios. ^(E)Nang sila'y aking mabusog, sila'y nangalunya, at nagpupulong na pulupulutong sa mga bahay ng mga patutot.

⁸ Sila'y parang pinakaing mga kabayong pagalagala: bawa't isa'y humalinghing sa asawa ng kaniyang kapuwa.