Jeremias 50:10-12

Ang Salita ng Dios (Tagalog Contemporary Bible)

¹⁰ Sasamsamin nila ang mga ari-arian ng Babilonia at talagang magsasawa sila. Ako, ang Panginoon, ang nagsasabi nito.

¹¹ “Mga taga-Babilonia, sinamsam nʼyo ang pag-aari ng mga mamamayan ko. Tuwang-tuwa kayo at masaya na parang dumalagang baka sa pastulan o kabayong humahalinghing. ¹² Pero ilalagay ko sa kahihiyan ang inyong bansa.^[a] Magiging pinakaaba ito sa lahat ng bansa, at magiging isa itong mapanglaw at disyerto.