Jeremias 50:11-13

Ang Salita ng Dios (Tagalog Contemporary Bible)

¹¹ “Mga taga-Babilonia, sinamsam nʼyo ang pag-aari ng mga mamamayan ko. Tuwang-tuwa kayo at masaya na parang dumalagang baka sa pastulan o kabayong humahalinghing. ¹² Pero ilalagay ko sa kahihiyan ang inyong bansa.^[a] Magiging pinakaaba ito sa lahat ng bansa, at magiging isa itong mapanglaw at disyerto. ¹³ Dahil sa aking poot, wala nang maninirahan sa Babilonia at magiging mapanglaw ito. Masisindak at mangingilabot ang lahat ng dadaan dito dahil sa lahat ng nangyari sa bansang ito.