Jeremias 50:21-23

Ang Salita ng Dios (Tagalog Contemporary Bible)

Ang Parusa ng Panginoon sa Babilonia

²¹ Sinabi pa ng Panginoon, “Salakayin nʼyo ang Merataim at ang Pekod. Patayin ninyo sila at lipulin nang lubusan bilang handog para sa akin. Gawin ninyo ang lahat ng iniuutos ko sa inyo. ²² Iparinig nʼyo ang sigawan ng labanan at ingay ng puspusang pangwawasak. ²³ Ang Babilonia ay parang martilyong dumurog ng mga bansa, pero ngayon siya na ang nadurog. Nakita ng mga bansa kung paano nawasak ang Babilonia!