Jeremias 50:21-23

Magandang Balita Biblia (with Deuterocanon)

Ang Hatol ng Diyos sa Babilonia

²¹ Ang sabi ni Yahweh, “Salakayin ninyo ang lupain ng Merataim; pati ang mga taga-Pekod, patayin at lipulin ninyo silang lahat; gawin ninyo ang lahat ng iniutos ko sa inyo. ²² Narinig sa buong lupain ang ingay ng digmaan at ang matinding pagwasak. ²³ Ang Babilonia'y kinatakutan sapagkat pinukpok niya at dinurog ang mga bansa. Ngunit ngayon, ang pamukpok na iyon ay putol na at sira. Nagimbal ang mga bansa sa nangyari sa kanya.