Jeremias 51:16-18

Magandang Balita Biblia

¹⁶ Sa dagundong ng kanyang tinig, umuugong ang tubig sa kalangitan;
    pinaiilanlang niya ang mga hamog mula sa mga sulok ng sanlibutan.
Pinakikislap niya ang mga kidlat sa gitna ng ulan,
    at pinalalabas niya sa taguan ang mga hangin.
¹⁷ Sa ganitong kalagayan ay magiging mangmang at walang kaalaman ang lahat ng tao.
    Bawat panday ay inilalagay sa kahihiyan ng nililok niyang diyus-diyosan;
    sapagkat hindi tunay na diyos at walang buhay ang kanyang ginawa.
¹⁸ Walang kabuluhan ang mga iyon, at dapat sumpain
    malilipol sila pagdating ng araw ng pagpaparusa sa kanila.