Jeremias 51:33-35

Ang Biblia, 2001

³³ Sapagkat ganito ang sabi ng Panginoon ng mga hukbo, ng Diyos ng Israel:
Ang anak na babae ng Babilonia ay parang giikan
    sa panahon na iyon ay niyayapakan;
gayunma'y sandali na lamang
    at ang panahon ng pag-aani sa kanya ay darating.”
³⁴ “Nilamon ako ni Nebukadnezar na hari ng Babilonia,
    dinurog niya ako,
ginawa niya akong sisidlang walang laman,
    nilulon niya akong gaya ng halimaw;
pinuno niya ang kanyang tiyan ng aking masasarap na pagkain;
    ako'y kanyang iniluwa.
³⁵ Ang karahasang ginawa sa akin at sa aking kamag-anak ay mahulog nawa sa Babilonia,”
    sasabihin ng taga-Zion.
“Ang dugo ko nawa ay mahulog sa mga mamamayan ng Caldea,”
    sasabihin ng Jerusalem.