Jeremias 51:37-39

Ang Biblia, 2001

³⁷Ang Babilonia ay magiging mga bunton ng mga guho,
tahanan ng mga asong mailap,
isang katatakutan at tampulan ng pagkutya,
walang maninirahan.

³⁸“Sila'y magkakasamang uungal na parang mga leon;
    sila'y uungal na parang mga batang leon.
³⁹Kapag sila'y nag-init ay ipaghahanda ko sila ng isang salu-salo,
    at akin silang lalasingin, hanggang sa sila'y magkatuwaan
at matulog nang walang hanggang pagtulog,
    at hindi na magising, sabi ng Panginoon.