Jeremias 51:52-54

Ang Salita ng Dios (Tagalog Contemporary Bible)

⁵² Pero darating ang araw na parurusahan ko ang mga dios-diosan ng Babilonia. At ang mga daing ng mga sugatang taga-Babilonia ay maririnig sa buong lupain nila. ⁵³ Kahit na umabot pa sa langit ang mga pader ng Babilonia at kahit tibayan pa nila ito nang husto, magpapadala pa rin ako ng wawasak dito. Ako, ang Panginoon, ang nagsasabi nito. ⁵⁴ Mapapakinggan ang mga iyakan sa buong Babilonia dahil sa pagkawasak nito.