Jeremias 51:7-9

Ang Biblia, 2001

⁷ Ang^(A) Babilonia noon ay gintong kopa sa kamay ng Panginoon
    na lumasing sa buong daigdig;
ang mga bansa ay uminom ng kanyang alak,
    kaya't ang mga bansa ay nauulol.
⁸ Ang Babilonia ay biglang nabuwal at nadurog;
    tangisan ninyo siya!
Dalhan ninyo siya ng balsamo para sa kanyang sakit,
    baka sakaling siya'y gumaling.
⁹ Ibig^(B) sana nating gumaling ang Babilonia,
    ngunit siya'y hindi napagaling.
Pabayaan ninyo siya, at bawat isa sa atin ay humayo
    sa kanya-kanyang sariling lupain;
sapagkat ang kanyang kahatulan ay umaabot hanggang sa langit,
    at naitaas hanggang sa himpapawid.