Jeremias 7:16-18

Ang Salita ng Dios (Tagalog Contemporary Bible)

¹⁶ “Kaya Jeremias, huwag kang mananalangin para sa mga taong ito. Huwag kang magmamakaawa o humiling sa akin para sa kanila, dahil hindi kita pakikinggan. ¹⁷ Hindi mo ba nakikita ang ginagawa nila sa bayan ng Juda at sa mga lansangan ng Jerusalem? ¹⁸ Ang mga kabataan ay nangangahoy, ang mga ama ay nagpapaningas ng apoy, ang mga babae ay nagmamasa ng harina para gawing tinapay para sa Reyna ng Langit.^[a] Naghahandog din sila ng mga inumin sa ibang mga dios para galitin ako.