Jeremias 7:17-19

Ang Salita ng Dios (Tagalog Contemporary Bible)

¹⁷ Hindi mo ba nakikita ang ginagawa nila sa bayan ng Juda at sa mga lansangan ng Jerusalem? ¹⁸ Ang mga kabataan ay nangangahoy, ang mga ama ay nagpapaningas ng apoy, ang mga babae ay nagmamasa ng harina para gawing tinapay para sa Reyna ng Langit.^[a] Naghahandog din sila ng mga inumin sa ibang mga dios para galitin ako. ¹⁹ Pero ako nga ba ang sinasaktan nila? Hindi! Ang sarili nila ang sinasaktan at inilalagay nila sa kahihiyan.