Jeremias 9:17-19

Ang Biblia, 2001

¹⁷ Ganito ang sabi ng Panginoon ng mga hukbo:
“Isaalang-alang ninyo, at tawagin ninyo upang pumarito ang mga babaing tagatangis,
    at inyong ipasundo ang mga babaing tagaiyak, upang sila'y pumarito!
¹⁸ Magmadali sila, at magsihagulhol para sa atin,
    upang ang ating mga mata ay daluyan ng mga luha,
    at ang ating mga talukap-mata ay labasan ng tubig.
¹⁹ Sapagkat ang tinig ng pagtangis ay naririnig mula sa Zion,
    ‘Tayo'y wasak na wasak!
    Tayo'y nalagay sa malaking kahihiyan,
sapagkat iniwan natin ang lupain,
    sapagkat kanilang ibinagsak ang ating mga tirahan.’”