Job 1:13-15

Ang Salita ng Dios (Tagalog Contemporary Bible)

¹³ Isang araw, habang nagkakasayahan sa handaan ang mga anak ni Job sa bahay ng panganay, ¹⁴ dumating sa bahay ni Job ang isa niyang tauhan at ibinalita ang ganito, “Habang nag-aararo po kami gamit ang inyong mga baka, at pinapastol ang inyong mga asno sa di-kalayuan, ¹⁵ bigla kaming sinalakay ng mga Sabeo. Kinuha po nila ang mga hayop at pinatay ang aking mga kasama. Ako lang po ang nakatakas para magbalita sa inyo!”