Job 1:8-10

Ang Salita ng Dios (Tagalog Contemporary Bible)

⁸ Sinabi sa kanya ng Panginoon, “Napansin mo ba ang lingkod kong si Job? Wala siyang katulad sa buong mundo. Matuwid siya at malinis ang pamumuhay. May takot siya sa akin at umiiwas sa kasamaan.” ⁹ Sumagot si Satanas, “May takot si Job sa iyo dahil pinagpapala mo siya. ¹⁰ Iniingatan mo siya at ang sambahayan niya, pati na ang lahat ng ari-arian niya. Pinagpapala mo ang lahat ng ginagawa niya. Kaya lalong dumarami ang kanyang mga hayop sa buong lupain.