Job 19:23-27

Ang Biblia, 2001

²³ “O masulat nawa ngayon ang mga salita ko!
    O malimbag nawa sa isang aklat ang mga ito!
²⁴ Sa pamamagitan nawa ng panulat na tingga at bakal,
    maukit nawa ang mga ito sa bato magpakailanman!
²⁵ Sapagkat nalalaman ko na ang aking Manunubos ay nabubuhay,
    at sa wakas siya'y tatayo sa lupa;
²⁶ at pagkatapos na masira nang ganito ang aking balat,
    gayunma'y makikita ko ang Diyos sa aking laman,
²⁷ na aking makikita sa aking tabi,
    at mamamasdan ng aking mga mata, at hindi ng iba.
    Ang aking puso ay nanghihina sa loob ko!