Job 32:6-8

Ang Biblia, 2001

⁶Si Elihu na anak ni Barakel na Buzita ay sumagot at nagsabi:

“Ako'y bata pa,
    at matatanda na kayo,
kaya't ako'y nahihiya at natakot
    na ipahayag sa inyo ang aking kuru-kuro.
⁷Aking sinabi, ‘Hayaang magsalita ang mga araw,
    at ang maraming mga taon ay magturo ng karunungan.’
⁸Ngunit ang espiritu na nasa tao,
    ang hininga ng Makapangyarihan sa lahat ang nagbibigay sa kanya ng unawa.