Job 33:26-28

Magandang Balita Biblia (with Deuterocanon)

²⁶     Mananalangin siya sa Diyos at siya'y papakinggan.
    Ang pagsamba niya'y mapupuno ng kasiyahan,
    muli siyang ilalagay ng Diyos sa mabuting katayuan.
²⁷ Sasabihin niya sa madla, ‘Sa Diyos ako'y nagkasala,
    walang matuwid na nagawa subalit pinatawad niya.’
²⁸ Hindi niya itinulot na ako'y mamatay,
    magpahanggang ngayon ako'y nabubuhay.