Job 37:16-18

Magandang Balita Biblia (with Deuterocanon)

¹⁶ Alam mo ba kung bakit ang ulap ay lumulutang?
    Iyan ay gawa ng makapangyarihan niyang kamay. Tunay at ganap ang kanyang kaalaman.
¹⁷ Hindi mo nga alam! Sapagkat nadarama mo lamang ang matinding init,
    kapag ang hanging habagat ay umiihip.
¹⁸ Tulad ng ginawa niya, ang langit ba'y iyong mailalatag
    na parang metal na makinis at matigas?