Joel 1:13-15

Ang Salita ng Dios (Tagalog Contemporary Bible)

Panawagan ng Pagsisisi

¹³ Kayong mga pari na naglilingkod sa altar ng aking Dios, magsuot kayo ng sako at pumunta sa templo at umiyak buong magdamag. Sapagkat wala nang butil o inumin na ihahandog sa templo ng inyong Dios. ¹⁴ Sabihin ninyo sa mga tagapamahala ng Juda at sa lahat ng kanyang mamamayan na pumunta silang lahat sa templo ng Panginoon na inyong Dios at mag-ayuno. Humingi sila ng tulong sa Panginoon.

¹⁵ Naku! Malapit na ang araw ng pagpaparusa ng Panginoong Makapangyarihan.