Joel 2:7-9

Magandang Balita Biblia (with Deuterocanon)

⁷ Sumasalakay sila, gaya ng mga mandirigma;
    inaakyat nila ang mga pader gaya ng mga kawal.
Walang lingun-lingon silang sumusugod.
    Walang lumilihis sa landas na tinatahak.
⁸ Lumulusot sila sa mga tanggulan
    at walang makakapigil sa kanila.
⁹ Sinasalakay nila ang lunsod,
    inaakyat ang mga pader;
    pinapasok ang mga bahay,
    lumulusot sila sa mga bintana, gaya ng mga magnanakaw.