Juan 14:10-24

Ang Biblia (1978)

¹⁰ Hindi ka baga nananampalataya na ^(A)ako'y nasa Ama, at ang Ama ay nasa akin? ang mga salitang aking sinasabi sa inyo'y ^(B)hindi ko sinasalita sa aking sarili: kundi ang Ama na tumatahan sa akin ay gumagawa ng kaniyang mga gawa.

¹¹ Magsisampalataya kayo sa akin na ako'y nasa Ama, at ang Ama ay nasa akin: ^(C)o kungdi kaya'y magsisampalataya kayo sa akin dahil sa mga gawa rin.

¹² Katotohanan, katotohanang sinasabi ko sa inyo, Ang sa akin ay sumasampalataya, ay gagawin din naman niya ang mga gawang aking ginagawa; at lalong dakilang mga gawa kay sa rito ang gagawin niya; sapagka't ako'y paroroon sa Ama.

^13 (D)At ang anomang inyong hingin ^(E)sa aking pangalan, ay yaon ang aking gagawin, upang ang Ama ay lumuwalhati sa Anak.

¹⁴ Kung kayo'y magsisihingi ng anoman sa pangalan ko, ay yaon ang aking gagawin.

¹⁵ Kung ako'y inyong iniibig, ^(F)ay tutuparin ninyo ang aking mga utos.

¹⁶ At ako'y dadalangin sa Ama, at ^(G)kayo'y bibigyan niya ng ibang Mangaaliw, upang siyang suma inyo magpakailan man,

¹⁷ Sa makatuwid baga'y ang Espiritu ^(H)ng katotohanan: ^(I)na hindi matatanggap ng sanglibutan; sapagka't hindi nito siya nakikita, ni nakikilala man siya: siya'y nakikilala ninyo; sapagka't siya'y tumatahan sa inyo, at sasa inyo.

¹⁸ Hindi ko kayo iiwang ^(J)magisa: ako'y paririto sa inyo.

¹⁹ Kaunti pang panahon, at hindi na ako makikita ng sanglibutan; nguni't ^(K)inyong makikita ako: ^(L)sapagka't ako'y nabubuhay, ay mangabubuhay rin naman kayo.

^20 (M)Sa araw na yao'y makikilala ninyong ako'y nasa aking Ama, at kayo'y nasa akin, at ako'y nasa inyo.

²¹ Ang mayroon ng aking mga utos, at tinutupad ang mga yaon, ay siyang umiibig sa akin: at ang umiibig sa akin ay iibigin ng aking Ama, at siya'y iibigin ko, at ako'y magpapakahayag sa kaniya.

²² Si ^(N)Judas (hindi ang Iscariote) ay nagsabi sa kaniya, Panginoon, ano't mangyayari na sa amin ka magpapakahayag, at hindi sa sanglibutan?

²³ Sumagot si Jesus at sinabi sa kaniya, Kung ang sinoman ay umiibig sa akin, ay kaniyang tutuparin ang aking salita: at siya'y iibigin ng aking Ama, ^(O)at kami'y pasasa ka niya, at siya'y gagawin naming aming tahanan.

²⁴ Ang hindi umiibig sa akin ay hindi tumutupad ng aking mga salita: at ang salitang inyong narinig ay hindi akin, kundi sa Amang nagsugo sa akin.