Juan 20:20-24

Ang Biblia (1978)

²⁰ At nang masabi niya ito, ay kaniyang ipinakita sa kanila ang kaniyang mga kamay at ang kaniyang tagiliran. ^(A)Ang mga alagad nga'y nangagalak, nang makita nila ang Panginoon.

²¹ Sinabi ngang muli sa kanila ni Jesus, Kapayapaan ang sumainyo: ^(B)kung paanong pagkasugo sa akin ng Ama, ay gayon din naman sinusugo ko kayo.

²² At nang masabi niya ito, ^(C)sila'y hiningahan niya, at sa kanila'y sinabi, Tanggapin ninyo ang Espiritu Santo:

²³ Sinomang inyong patawarin ng mga ^(D)kasalanan, ay ipinatatawad sa kanila; sinomang hindi ninyo patawarin ng mga kasalanan, ay hindi pinatatawad.

²⁴ Nguni't si Tomas, isa sa labingdalawa, ^(E)na tinatawag na Didimo, ay wala sa kanila nang dumating si Jesus.