Juan 13:31-35

Magandang Balita Biblia

Ang Bagong Utos

³¹ Pagkaalis ni Judas ay sinabi ni Jesus, “Ngayo'y luluwalhatiin na ang Anak ng Tao, at sa pamamagitan niya ay luluwalhatiin ang Diyos. ³² [At kapag niluwalhati na ang Diyos sa pamamagitan ng Anak ng Tao],^[a] ang Diyos naman ang luluwalhati sa Anak, at ito'y gagawin niya agad. ³³ Mga^(A) anak, kaunting panahon na lamang ninyo akong makakasama. Hahanapin ninyo ako, ngunit sinasabi ko sa inyo ngayon ang sinabi ko noon sa mga Judio, ‘Hindi kayo makakapunta sa pupuntahan ko.’

³⁴ “Isang^(B) bagong utos ang ibinibigay ko sa inyo ngayon: magmahalan kayo! Kung paano ko kayo minahal, gayundin naman, magmahalan kayo. ³⁵ Kung kayo'y may pagmamahal sa isa't isa, makikilala ng lahat na kayo'y mga alagad ko.”