Josue 10:20-22

Ang Salita ng Dios (Tagalog Contemporary Bible)

²⁰ Halos naubos ni Josue at ng mga Israelita ang mga kalaban nila. Pero mayroon ding nakaligtas at nakapasok sa mga napapaderang lungsod nito. ²¹ At bumalik ang lahat ng sundalo kay Josue sa kampo nila sa Makeda. Mula noon, wala nang nagtangkang magsalita laban sa mga Israelita.

²² At nag-utos si Josue, “Buksan nʼyo ang kweba at dalhin dito sa akin ang limang hari.”