Josue 10:35-37

Ang Salita ng Dios (Tagalog Contemporary Bible)

³⁵ Sa mismong araw na iyon, nasakop nila ang Eglon at pinatay ang lahat ng naninirahan dito. Nilipol nila ito nang lubusan gaya ng ginawa nila sa Lakish.

³⁶ Mula sa Eglon, umahon si Josue at ang mga Israelita sa Hebron at nilusob ito. ³⁷ Sinakop nila ang lungsod, at pinatay nila ang hari at ang lahat ng naninirahan dito, pati na ang mga tao sa karatig baryo. Walang naiwang buhay. Winasak nila nang lubusan ang buong lungsod gaya ng ginawa nila sa Eglon.