Josue 13:14-16

Ang Salita ng Dios (Tagalog Contemporary Bible)

¹⁴ Hindi binigyan ni Moises ang lahi ni Levi ng lupain bilang mana. Ang matatanggap nila ay ang bahagi ng mga handog sa pamamagitan ng apoy^[a] na para sa Panginoon, ang Dios ng Israel, ayon sa sinabi niya kay Moises.

¹⁵ Ito ang bahagi ng lupain na ibinigay ni Moises sa lahi ni Reuben, na hinati ayon sa bawat pamilya: ¹⁶ Ang nasasakupan nila ay mula sa Aroer na nasa tabi ng Lambak ng Arnon (kasama na ang bayan sa gitna nito) hanggang sa buong talampas ng Medeba.