Josue 7:20-22

Magandang Balita Biblia (with Deuterocanon)

²⁰ Sumagot si Acan, “Totoo pong nagkasala ako kay Yahweh, ang Diyos ng Israel. ²¹ Sa mga bagay na nasamsam ko sa Jerico, may nakita akong isang mamahaling balabal na yari sa Babilonia, halos walong librang pilak, at isang baretang ginto na mahigit pang dalawang libra. Kinuha ko ang mga iyon at ibinaon sa lupa, sa loob ng aking tolda. Nasa kailaliman po ang pilak.”

²² Nagsugo si Josue ng dalawang tao na patakbong pumunta sa tolda ni Acan. Nakabaon nga roon ang damit at nasa ilalim nito ang pilak.