Josue 7:6-8

Ang Biblia (1978)

⁶ At ^(A)hinapak ni Josue ang kaniyang mga suot, at nagpatirapa sa lupa sa harap ng kaban ng Panginoon hanggang sa kinahapunan, siya at ang mga matanda ng Israel; ^(B)at sila'y nagsipagbuhos ng alabok sa kanilang ulo.

⁷ At sinabi ni Josue, Ay, Oh Panginoong Dios, bakit mo ^(C)pinatawid ang bayang ito sa Jordan, upang ibigay kami sa kamay ng mga Amorrheo, na ipalipol kami? nakatigil sana kaming masaya at nakatahan sa dakong yaon ng Jordan!

⁸ Oh Panginoon, anong aking sasabihin pagkatapos na ang mga anak ng Israel ay makatalikod sa harap ng kanilang mga kaaway!