Josue 8:22-24

Ang Biblia (1978)

²² At ang iba'y lumabas sa bayan laban sa kanila, na anopa't sila'y nasa gitna ng Israel, na ang iba'y sa dakong ito, at ang iba'y sa dakong yaon: at sinaktan nila sila, na anopa't ^(A)wala silang iniwan sa kanila na nalabi o nakatanan.

²³ At ang hari sa Hai ay hinuli nilang buháy, at dinala nila siya kay Josue.

²⁴ At nangyari, nang matapos ng Israel na mapatay sa parang ang lahat ng mga taga Hai, sa ilang na kanilang pinaghabulan sa kanila, at mangabuwal sa pamamagitan ng talim ng tabak, hanggang sa nalipol nila sila, ay bumalik ang buong Israel sa Hai, at sinugatan ng talim ng tabak.